Последни напори за целиот тим на Специјалната обвинителка

Се прават последни напори да се избере целиот тим кој Специјалната обвинителка го одбра за новата истражна институција чија главна задача ќе биде да ги води предметите кои произлегуваат од прислушкуваните разговори протечени од опозицијата, а оспорени како нелегални од власта. Засега нема да се бара нова седница од Советот на јавни обвинители, туку се прават поединечни напори за Катица Јанева да го добие својот тим кој ќе се смести во просториите на Агенцијата за млади и спорт и веќе ќе добие буџет кој е изгласан од Собранието.

Исто така СЈО ќе побара статистика од Јавното обвинителство за тоа до каде се предметите кои се започнати и какви истражни мерки се превземени за да се продолжи со нивната работа. Секој предмет кој ќе го води член на СЈО ќе има свои стручни соработници и истражители со асистенција на МВР. Откако ќе се даде одобрение за тимот новите специјални обвинители ќе положат и свечена заклетва, но овој процес се уште се кочи од страна на Советот.