За прв пат берзата во Саудиска Арабија отворена за странци

Саудиска Арабија за прв пат ја отвори берзата за странци. Ваквите економски реформи беа долгоочекувани во земјата која е најголем извозник на нафта. Засега странците ќе бидат ограничени на купување на саудиски акции по пат на „свапови“, вклучувајќи ги меѓународните банки и малиот број на фондови.

Странските инвеститори поседуваат околу 15 отсто од останатите, многу помали пазари на капитал во Заливот, како што е Дубаи. Аналитичарите, не очекуваат поголем прилив на средства веднаш по отворањето на берзата. За да бидат регистрирани како квалификувани странски инвеститори, странците ќе мораат да имаат петгодишно искуство и да управуваат со средства вредни најмалку 18,75 милијарди ријали, одбосно 5 милијарди долари. Аналитичарите проценуваат дека странските инвеститори на саудиската берза, вредна повеќе од 500 милијарди долари, ќе држат од 40 до 50 милијарди.