Стипендии за 500 студенти на штипскиот универзитет
Петстотини студенти од Штипскиот универзитет „Гоце Делчев“ ќе добијат стипендии во висина на партиципацијата.
– Тоа е Фонд кој засега го финансира бизнис секторот од земјава. Сакаме да најавиме дека во текот на зимскиот семестар 2015-2016 година, Фондот ќе распише оглас за доделување на 300 стипендии за студенти на универзитетот „Гоце Делчев“ и за во текот на летниот семестар уште 200 стипендии, значи тоа е таргет на УГД 500 стипендии да бидат дадени на студентите и тоа на најдобрите. Не е намерата да стимулираме, да речеме просечност, туку нашата намера е да ги стимулираме најдобрите – вели Блажо Боев, кој од септември треба да стапи на новата функција ректор на штипскиот универзитет.
Тој додава дека стипендијата за еден студент ќе изнесува 200 евра, а ќе бидат опфатени студентите од втора до четврта година од сите факултети и академии на универзитетот без селективен пристап.