Слики и видео: Oган врз ТРТ, парламентот и тајната полиција, големи престрелки во Истанбул

Тотален хаос на улиците на Истанбул откако армијата се обиде да спречи ширење на масовни протести од демонстрантите кои се уште го поддржуваат Ердоган. Видеа на социјалните мрежи од граѓани прикажуваат како воен хеликоптер отвора оган најверојатно во зградата на државната телевизија ТРТ како и кај новинската агенција Анадолу.

 

Supposedly a close up video of TSK helicopter firing in Ankara pic.twitter.com/aPS5y7ftiB

— BM-21 GRAD (@bm21_grad) July 15, 2016

Други, пак сведочат дека војската со артилериски оган гаѓала кон државниот парламент каде се стационирани голем број на владини поддржувачи и функционери, а се пука и врз седиштето на тајната полиција на Турција.

Размена на оган имало и во централниот дел на Анкара, а се пука и во близина на интернационалниот аеродром во Анкара. Срушен е и хеликоптер на „пучистите“ од владин млазен авион.

Стотици луѓе излегоа на улиците и дојдoa до централниот плоштад Таксим за да му изразат поддршка на Ердоган. При тоа дојде до големи истрели од засега непознати правци и не се знае кој се учествува во престрелките.

  

Дел од граѓаните со еуфорија ги поздравија војниците на улиците, додека пак други сосема разбирливо скандираат „Уаа“. Некои од нив успеа да „заробат“ неколку оклопни возила по што полицијата ги уапси ангажираните војници.

Пучистите ја губат контролата во Истанбул каде граѓаните масовно им се спротиставија во поддршка на Ердоган. Тој слета во аеродромот во Истанбул каде требаше да одржи говор, но небото го надлетуваа неколку воени млазни авиони со предупредувачки маневри.