САД ќе ги штити Курдите кои се борат со ИСИС од Турција
САД се во дипломатска мисија за спречување на нови воени напади на турската армија врз позициите на Курдската армија која се бори во Сирија против милитантите од ИСИС. Вчера во селото Тил Финдир дошло до бомбардирање од турската страна на границата со што Курдите кои се единствени кои имаа теренски успех против ИСИС се доведени во опасност.
Западните сили кои се обединуваат против ИСИС, особено САД, оценуваат дека Турција мора да превземе одговорност и да не ги напаѓа од зад грб Курдите, туку да помогне во поразот на милитантите и да обезбеди безбедна зона каде ќе се одвиваат операции и нивно слободно движење.
Јавноста во Турција има се поголем гнев кон милитантниот ислам, особено по бомбашките напади на ИСИС и убиството на двајца војници и многумина ја обвинуваат власта дека намерно ја саботира борбата за да ги ослаби Курдите. Од министерството за одбрана на Турција објаснија дека отворањето на артилериски оган на границата со Сирија бил само за одбрана и возвраќање на напад, а воопшто не се планирани напади врз Курдската народна заштитна армија.