Поранешниот директор на УБК се откажа од дипломатскиот пасош

Поранешниот директор на УБК, Сашо Мијалков, воопшто не го подигнал и се откажал од дипломатскиот пасош што минатата недела му го додели Минстерството за надворешни работи. Мијалков вели дека причина за тоа е реакцијата на опозициската СДСМ и дел од медиумите.

„Дипломатската патна исправа, која согласно закон и дискреционо право на Министерот ми беше доделена од МНР се уште не сум ја подигнал ниту употребил. Во недостиг на идеи и поддршка од граѓаните, сосема е очекувано, СДСМ преку нивните медиуми фокусот да го стави на црна кампања и напади на лична основа со обиди за дискредитација. За да им се одземе и ова последно оружје и да излезе на виделина нивната безидејност, одлучив воопшто да не ја подигнувам дипломатската патна исправа и да се откажам од неа. Останувам и продолжувам да се борам за интересите на Македонија и македонскиот народ. Не сум потклекнал пред многу посериозни притисоци и закани па нема ни сега“ – вели Мијалков во изјавата.