Поплавените добија оштета од 52 милиони денари
По направените проценки Владата на Република Македонија им исплати средства за штетите настанати во големите поплави кои ја зафатија Македонија на почетокот на годината, а најпогодени беа пелагониските села. Средства за оштета ќе добијат околу 1300 лица од Могила, Новаци, Демир Хисар, Битола, Босилово и од Кривогаштани.
Следната недела на уште 323 лица од овие општини со одлука на Владата ќе им бидат исплатени 8 милиони денари. Бирото за судски вештачења работи на проценка на штетите и во останатите општини погодени од поплавите, вклучувајќи ги населените места од велешко, штипско, светиниколско и струмичко.
Владата на РМ донесе одлука за 100-отстотно обештетување на земјоделците и домаќинствата зафатени од поплавите во јануари и февруари годинава. Обилните дождви направија и голема штета на локалната инфраструктура и затоа ќе се направи план за санација на погодените региони во соработка со локалните власти.