Поплавите во Шри Ланка однесоа стотина човечки животи

Индија се вклучи во пружањето помош на Шри Ланка, откако во монсуснските поплави загинаа најмалку 103 лица, а околу 230 илјади мораа да ги напуштат своите домови. Вкупно 113 лица се сметаат за исчезнати.

Поројните дождови предизвикаа големи поплави и свлечишта во јужниот и во западниот дел на Шри Ланка, а во пружањето помош учествува и војската, која со авиони го спасува населението и на локалните жители им ги доставува неопходните продукти.

Министерот за внатрешни работи предупреди на опасноста од нови поплави и апелираше на жителите кои живеат во пониските подрачја да се префрлат во повисоките делови на земјата.

„Имаме информации дека постојат области каде ни хеликоптери ни чамци не можат да пријдат“ – посочи министерот, дополнувајќи дека Владата донела 10.000 појаси за спасување за луѓето кои се заглавени, а се уште не можат да бидат евакуирани.