Ѓоковиќ ја намали предноста на Енди

Српскиот тенисер Новак Ѓоковиќ го задржа второто место на АТП листата објавена денеска, но ја намали разликата со Британецот Енди Мареј.

Ѓоковиќ има 7.445 поени, 2.925 помалку од Мареј. Српскиот тенисер на листата од минатата недела имаше заостаток од 3.518 поени. Британецот ја бранеше титулата во Рим но испадна уште на почетокот на натпреварувањето.

Ѓоковиќ вчера загуби во финалето на Мастерсот во Рим од германецот Александр Зверев со 4-6,3-6. Германецот благодарение на првата титула направи скок од 7 места и сега е десети на АТП листата, што е негов најдобар пласман во кариерата и единствена промена меѓу првите 10 играчи во светот.