Гевгелиските таксисти пак со блокади, бараат да возат мигранти
Гевгелиските таксисти и понатаму ќе продолжат со блокадата на меѓународната железничка пруга Солун-Скопје се додека не им се исполнат барањата и тие да учествуваат во превозот на мигрантите бидејќи тоа им е значаен дел од приходите кои ги остваруваат и сметаат дека се неправедно спречени.
Втор ден гевгелиските таксисти ја блокираат меѓународна пруга Солун-Скопје во Гевгелија, не дозволувајќи да се одвива железничкиот сообраќај се додека властите не им дозволат да превезуваат бегалци и тие покрај „Македонски железници“.
За решение на нивниот проблем треба да се разговара на денешната седница на Координативното тело за справување со бегалската криза, но нема гаранции дека барањата ќе им бидат исполнети.