Во Њујорк одржан концерт во чест на Дејвид Боуви

Во њујоршкиот Карнеги хол, беше одржан хуманитарен концерт во чест на починатиот уметник Дејвид Боуви, кој собра многу негови колеги и обожаватели од целиот свет. Во една од најпознатите концертни сали во светот, на концертот кој се одржа во четвртокот беа изведени најголемите хитови на Боуви, а помеѓу изведувачите се најдоа и Деби Хари и поранешниот фронтмен на „R.E.M“ Мајкл Стајп. Концертот во чест на Боуви кој почина од рак јануари годинава, траеше два часа.

Синди Лопер го пееше хитот „Suffragette Citi“, а Вејн Којн ја изведе нумерата „Life on Mars?“. Останатите хитови на Дејвид Боуви, како што се „Rebel Rebel“ и „Let’s Dance“, ги пееше публиката предводена од детски хор.

„Господи благослови го Дејвид Боуви“, изјави пејачот Џејкоб Дилан после изведувањето на добро познатиот хит „Heroes“. Парите добиени од продадените карти за овој концерт ќе бидат наменети за музичко образување на сиромашните деца.