Узунов ќе му ја образложи оставката на Заев

Ванчо Узунов досегашниот потпретседател на СДСМ задолжен за економски прашања ќе има средба со лидерот Зоран Заев на која ќе разговараат за поднесената оставка која никако не делува добро за партијата во моменти по постигнувањето на договор со власта за предвремени избори и по објавата на резултатите од анкетата на ИРИ според која ВМРО и понатаму има удобно водство со довербата кај граѓаните.

Ванчо Узунов изјави дека причините за оставката се приватни и останува дел од опозицијата, без да се оптоварува дали ќе биде на функција, па дури и му порача на вицепремиерот Пешевски дека „не болело“ и да ги послуша оние кои ја бараат неговата оставка.

На средбата со Заев освен за причините за оставката ќе се разговара за понатамошниот ангажман на Узунов и негово можно вклучување и во понатамашната изработка на економската програма и експертиза.