Турски весник ја нацрта Ангела Меркел како женски Хитлер
На насловната страница на турскиот провладин весник „Gunes„ се најде Ангела Меркел, прикажана со мустаќи и нацистичка униформа. Епитетот “Женски Хитлер”, остро се нагласува на насловната страница на дневникот Gunes . Со фотомонтажа е придодаден и кукастиот крст, како и натписот фрау Хитлер или “грдата тетка”. Списанието, во петокот на Ангела Меркел и остапило дури простор од три четвртини.
Ваквиот однос на турските медиуми се појави по коментарот на турскиот претседател Реџеп Таип Ердоган, кој ги обвини Германија и Холандија за “нацистички практики”, бидејќи и двете земји ги забранија собирите наменети во корист на референдумот за проширување на ингеренциите на претседателот. На интернет страницата медиумот објави уште фотомонтажа од канцеларката со мустаќи и нацистички поздрав со наслов: Не постои разлика во однос на Хитлер.