Торес: Историска шанса, животот не ја нуди многу често

Напаѓачот на Атлетико Мадрид Фернандо Торес изјави дека неговиот тим има историска шанса со освојувањето на Лигата на шампионите да испише нови страници во клупската историја. Атлетико на 28 ма ќе се сретне со градскиот ривал Реал Мадрид во реприза од финалето во 2014 година, во кое јорганџиите беа поразени после продолженијата со вкупни 4:1.

„Соочени сме со можност која животот не ја нуди многу често. Две финалиња во три години се навистина исклучителен успех. Имаме прилика да испишеме страница која се уште е празна во клубот и навистина се чувствуваме привилегирано во однос на тоа. Цел живот сонувам за ова. Противникот во финалето не е ни најмалку важен, важен е крајниот резултат. Постои ривалство но тоа не е важно во финалето, бидејќи претходните натпревари не се сметаат“, изјави Торес.