Скопјани на протест побараа чист воздух

Стотина граѓани денес одржаа мирен протест за превземање на итни мерки за загадувањето на воздухот кое подолго време е неколку пати над дозволеното, но нема реална акција за подобрување на состојбата ниту идеја како да се реши овој огромен проблем од кој се загрозени сите жители на Скопје. Граѓаните се појавија на протестот во мал број организирани самостојно преку социјалните мрежи и се надеваат дека со поголема масовност ќе се изврши позначаен притисок врз властите. Главните пораки беа испратени пред кабинетот на градоначалникот на Скопје Коце Трајановски за намалување на индустриското загадување, спречување на дополнителна сеча на дрва и примена на поевтин јавен превоз во критичните денови.

Фото: nova.tv