Се бришат трагите од „Шарената револуција“ низ Скопје
Градските власти организираа чистење на дел од спомениците и владините и државни згради кои беа мета на демонстрантите од движењето „Шарената револуција“ кои низ изминатите триесетина дена својот револт го изразуваа со фрлање на боја како главен метод на агресивни, но не и насилни протести.
Симболичното шарење на барокот требаше да биде знак на несогласување со едностраните политики за трошење на огромни буџетски средства, а сега повторно се трошат пари за чистење на и онака прескапите споменици. Во акцијата за чистење се придружија и активисти за заштита на македонската историја и противници на демонстрантите.
Фото: zase.mk