Радикалните исламисти убија 30 војници во Сомалија
Исламистичката милитантна група Ал Шабаб изврши нов крвав напад врз воена база во Шабел регионот и тие тврдат дека убиле најмалку 30 војници и се уште имаат контрола. Сомалиски воени претставници не сакаат директно да разговараат со медиумите за официјалниот број на жртви, но потврдија дека нападот е сериозен, особено што во базата се вршеле и обуки на нови регрути.
Ал Шабаб во Сомалија делува како продолжена рака на ал Каеда и има намера да го наметне Шеријатот во Јужна Африка. Сомалиската армија се наоѓа пред пораз од нападите на Ал Шабаб и засега последна надеж се трупите на Африканската Унија поддржани од ООН.