Плинска боца предизвика пожар во прилепско, една жена повредена

Жена од прилепското село Десово е повредан откако и се запалила плинска боца. Жената се обидела да го запали горилникот за готвење на плинска боца која се наоѓала во кујната, по што пламенот ја зафатил завесата. Во тој момент, таа врз огнот фрлила ќебе, но огнот се проширил по целата просторија во која изгорела целата покуќнина. Откако боцата била исфрлена надвор од просторијата, жената здобила изгореници на лицето и на десната рака.