Обид за атентат на екс-министерот за здравство Никола Тодоров

Поранешниот министер за здравство и член на извршниот комитет на ВМРО-ДПМНЕ, Никола Тодоров, претпладнево бил нападнат во непосредна близина на зградата на Министерството за здравство, потврдија за „Мета“ од Министерството за внатрешни работи.

Сторителот, како што велат од МВР, бил веднаш приведен во полициска станица. Засега нема информации дали Тодоров е повреден во инцидентот. Според очевидци, во нападот било употребено огнено оружје, односно напаѓачот пукал, но од МВР овие информација засега не ги потврдуваат.

Инаку, денеска, во 12.30 часот, требаше да биде извршено примопредавање на функцијата во Министерството за здравство помеѓу Тодоров и новиот министер, Арбен Таравари.

Тодоров завчера си даде оставка од пратеничката фунцкија и соопшти дека ќе се посвети на адвокатурата и на помагање на партијата ВМРО-ДПМНЕ.