Има ли жена што ќе ја контролира УБК
Собранието на Република Македонија го формираше составот на комисијата за надзор на работата на Управата за безбедност и контраразузнавање и на Агенцијата за разузнавање, како и на комисијата за надзор на спроведувањето на посебната истражна мерка следење на комуникациите од МВР, Управата за финансиска полиција, Царинската управа и Министерството за одбрана.
Бидејќи голем дел од опозициските пратеници се надвор од собранието, позицијата на „контролори“ ќе ги завземат пратеничките Роза Топузовска – Каревска како член на комисијата за надзор на УБК и АР, а пратеничката Љубица Буралиева е заменик-член во ова собраниско тело. Солза Грчева ќе ги контролира мерките за следење на комуникациите, а Топузовска ќе биде нејзина заменичка.
Претседателот на Комисијата за прашања на изборите и именувањата Зоран Илиоски објасни дека на овој начин ќе се пополнат потребните места како што предвидуваат прописите за застапеност на опоцизијата, а кога официјално ќе се врати најголемата опозициона партија со полниот состав на пратеници ќе се опозицијата ќе се направи ревизија на постојниот состав на овие две комисии, па ако е потребно ќе се донесе одлука за ново пополнување.
Трите опозициски пратенички беа предложени за членови и заменици во комисиите за надзор над прислушувањето и над УБК и АР. Во минатото претседателите и членовите на овие две комисии се жалеа на слаба соработка со УБК од каде не добивале потребни извештаи за нивната работа.