Експлозија на плинска боца повреди десетина лица во Прилеп

Десетина лица се повредени при експлозија на плинска боца во станбена зграда во Прилеп, а меѓу нив е и еден пожарникар кој се здобил со изгореници на лицето. Станарите се во стабилна состојба и повеќето имаат мали проблеми со дишењето откако вдишале чад, додека останатите се со помали телесни повреди. Според информациите екипите на брзата помош веднаш интервенирале бидејќи станарите биле во шок од силниот потрес. Истражни органи се на терен и ќе се утврдува како настанала експлозијата.