Албанците од пограничните премини на шопинг во Дебар
Албанците од пограничните премини пазарат во Дебар. Од почетокот на овој месец забележана е историски рекордна бројка на лица кои ја преминале границата на преминот „Блато“. Од Граничната полиција – Запад информираат дека во обични денови границата ја минуваат по над 1.500 патници, додека во викенд и над две илјади.
Албанските граѓани во Дебар пазаруваат прехрамбени артикли, безалкохолни пијалаци, обувки, облека, …лекови па дури и гориво кое е поевтино во Македонија, а како што самите велат и многу поквалитетно.
Во близина на Дебар функционира и преминот за локален граничен сообраќај Џепиште – Требиште. Тука има помала фрекфенција бидејќи станува збор за граничен премин кој работи секој ден од 8 до 20 часот односно од 8 до 18 часот според зимското работно време и е наменет превенствено за жителите на пограничната зона.
Дневната фрекфенција е околу сто лица, кои главно во Дебар доаѓаат од областа Голо Брдо, заради шопинг но и тамошни жители кои работат во Грција, а од почетокот на август доаѓаат во родниот крај.