Зградите на ФИНКИ и Факултетот за физичка култура ќе добијат нов лик

Група на млади архитекти ( Јован Ивановски, Горан Мицковски, Паолина Милушева, Николче Арсов и Павел Вељаноски) го претстави своето идејно решение од учеството на нивниот неодамнешен конкурс за новиот изглед на зградите за Факултетот за информатички науки и компјутерско инженерство – ФИНКИ и Факултетот за физичко образование, спорт и здравје – ФФОСЗ во Скопје.

Се работи за хармонични факултетски згради со современ архитектонски израз и со дискретен и ненаметлив изглед. Идејното решение го откупи Министерството за образование и наука како организатори на конкурсот и распиша тендер за да се избере изведувачот на градежните работи за изградба на новите згради, како и за партерно уредување на платото на УКИМ.