Ѓоковиќ го победи Федерер во финалето на УС Опен

Новак Ѓоковиќ ја освои својата јубилејна 10та Грен Слем титула откако во финалето на УС Опен го победи Рожер Федерер со 3:1 во сетови (6:4, 5:7, 6:4, 6:4).

Поради дождот натпреварот започна со доцнење од 3 часа, но чекањето вредеше бидејќи тенисерите одиграа врвен натпревар. Натпреварот беше доста изедначен, но поголемата концентрација веројатно го пресуди победникот. Новак искористи 6 од 13 брејк топки, додека Рожер имаше 23, но искористи само 4. Со оваа победа Ѓоковиќ успеа да се изедначи и во меѓусебниот скор со Федерер на 21:21 во сите натпреварувања.

Ѓоковиќ прв пат во кариерата во една година играше во сите четири Гренслем финалиња, но освои три, како и во 2011 година.