За 10 дена 4 македонски возила оштетени во Грција

Македонските граѓани кои ја посетуваат Грција и понатаму се соочуваат со вандалски чинови на оштетување на нивните возила, особено на регистарските таблички со означи МК. Еден возач од Охрид пријавил во Калитеа дека на возилото марка Цитроен со остар предмет му биле изгребани двете страни од преден до заден фар и бил оштетен знакот МК.

Останатите инциденти на возила од Скопје, Куманово и Кочани не се пријавени во Грција, туку откако ја преминале границата на македонска страна. На лицето З.И. во местото Сарти, со црн и црвен спреј му била обоена шофершајбната и двете регистарски таблички.