HomeДЕНЕШНАРегионВидео: Министер остана без функција бидејќи „сака новинарки кои лесно клекнуваат“

Видео: Министер остана без функција бидејќи „сака новинарки кои лесно клекнуваат“

Министер остана без фотељата поради непристоен сексистички коментар. Српскиот премиер, Александар Вучиќ денеска изјави дека министерот за одбрана Братислав Гашиќ по коментарот упатен до новинарка на телевизијата Б92 не може повеќе да остане министер.

– Секогаш бев против хајки и секогаш го поставував својот грб и глава за сите мои министри кои беа изложени на напади. Се поставував себе си како штит, ги штитев од лажни напади. Со тоа ја штитев Србија, вистината и правдата… За ова што го направи Гашиќ не можам да најдам извинување, ниту оправдување, истакна Вучиќ, извинувајќи и се на новинарката на Б92 во име на целата Влада.

Тој смета дека е добро што министерот за одбрана се извинил и покајал, но дека тоа не е доволно и „била лоша порака за сите жени“. Гашиќ даде груба сексистичка забелешка кон новинарката, која клекнала пред него со цел да не влезе во фокусот на камерите додека тој давал изјава.

– Сакам новинарки кои лесно клекнуваат, изјави министерот, кој подоцна јавно се извини за своите зборови.
Опозициските партии и новинарските здруженија во Србија веднаш побараа смена на министерот од неговата функција, поради „срамното однесување, сексизам и вербално насилство“.

Social Media Auto Publish Powered By : XYZScripts.com