Видео 18+: Напаѓачот е млад германец со иранско потекло, пукал и во деца
Германската полиција излезе со официјални информации за вчерашниот напад во трговскиот центар Олимпија во Минхен. Станува збор за еден напаѓач кој по одредено време се самоубил.
Тој имал 18 години и е германец со иранско потекло, а живеел во Минхен. На социјалните мрежи и светските медиуми панично се ширеа информации дека полицијата трага по тројца вооружени и дека престрелки имало и во метрото, но засега тие наводи се негирани.
Во нападот има 10 жртви. Според сведоштва на жена за CNN таа прва го забележала напаѓачот како вади оружје и дека нишанел кон деца како главна мета иако пукал во се што се движи.
За мотивите на напаѓачот рано е да се шпекулира бидејќи се одвива истрагата, но се претпоставува дека момчето било отуѓено и без конкретна поврзаност со одредена идеологија или терористичка организација.
Ве предупредуваме да не го погледнете видеото од самото пукање доколку немате над 18 години, како и за лица кои се со ризични заболувања.