Уставниот суд од државен интерес ги одложи сите изборни активности
Уставниот суд позитивно одговори на иницијативата на ДУИ за оценување на уставноста на распуштањето на Собранието и донесе одлука за одложување на сите изборни активности иако претходно слична иницијатива беше одбиена на Демократскиот сојуз.
Како што и претходно анализиравме одлуката за одложување на изборите би била политичка, а не чисто права, па затоа и овој пат Уставниот суд донесе хибридна одлука, а претседателката Елена Гошева се повика на предмет од 2001 година со која се дозволува решавање на прашања од интерес на државата, а не само од надлежност на институцијата.
Сега нема никакви правни пречки Трајко Вељаноски и формално да го свика Собранието и пратениците да се вратат во законодавниот дом каде може да се донесе нова одлука за одложување на изборите на 5-ти јуни иако за овој последен чекор ќе бидат потребни нови политички договарање меѓу партиите бидејќи позицијата на власта веќе е страшно нарушена, особено угледот на непопустливост на Груевски.