Уставниот суд ќе одлучува за распуштање на собранието

Одлуката за распуштање на Собранието на Македонија штo пред Уставниот суд во петокот ја оспори ДУИ најверојатно ќе биде разгледувана на утрешната седница, поради итноста на прашањето во актуелната политичка состојба.

Доколку Уставниот суд утре расправа за иницијативата на ДУИ, прашање е каква одлука би донел, со оглед дека на 18 февруари годинава, тој со мнозинство гласови веќе отфрли таква иницијатива, една поднесена од Павле Трајанов и друга од Тодор Петров.

Според Решението, основното образложние беше дека Одлуката на Собранието не претставува пропис, односно акт подобен за уставносудска оценка.