Универзалецот Ванхауте нема решение за маките на Анкетната комисија

Европскиот олеснувач во преговорите меѓу партиите за воведување на реформи во политичкиот систем на Македонија не може да биде главен џокер за решавање на сите спорови и дилеми, па затоа и не се појави на Анкетната комисија која во Собранието заглави со расправата за прислушкувањето и нелегалните телефонски разговори. Ванхауте беше повикан во Собранието да даде предлози за одглавување на Анкетната комисија, но не се појави за да им остави простор на партиите сами да донесат решение.

Петре Шилегов како претседател на Анкетната комисија потенцираше дека меѓу пратеничките групи дошло до доближување на ставовите и прецизирано е дека тој нема да гласа два пати, туку ако членовите гласаат нерешено тој ќе гласа последен.

Владејачкото мнозинство упати и сомнежи дека Шилегов има намери без да ги извести да повикува сведоци и експерти за проверка на сите аспекти од скандалот со прислушкувањето, но повторно ги демантираше убедувајќи дека комисијата ќе работи според прописите и Деловникот. Со нови напори меѓу пратениците Анкетната комисија треба да започне да заседава.