Судот да го одобри обвинението за терористите од Дива населба

Кривичниот суд на јавна седница ќе го разгледува обвинилниот акт за тероризам против осомничените лица уапсени во Дива населба, како и за тие што побегнаа или пак загинаа во акцијата на македонските безбедносни сили. Обвинителството ќе бара одговорност за терористичко здружување и дејствување што ќе треба да го докаже пред судот, за потоа против уапсените лица да започне и судскиот процес.

Во кумановската битка на 9 и 10 мај загинаа 8 припадници на полицијата, а 40 беа ранети. Исто така во жестоките борби беа ликвидирани 10 терористи, а 29 уапсени. Нивната замисла била вршење на терористички акции во Македонија, напад на полициски станици и завземање на стратешки објекти, но со одлучното спротиставување на безбедносните сили нивното дејствување беше неутрализирано.

За дополнителна истрага околу Дива населба постои и можност да се вклучи и новоформираното СЈО доколку во незаконски следените комуникации има разговори кои се однесуваат на мајските настани.