Сообраќаен хаос во Гостивар – пешак се бори за живот

Сообраќаен хаос на гостиварските улици. Утрово се сучиле две сообраќајка, повредени се две лица, од кои едното е на Скопските клиники и се наоѓа во животна опасност.

Според информациите од СВР Тетово, во сообраќајна несреќа која се случила утрово во 3:30 на улицата „Живко Брајковски” во близина на судот, возило „опел астра” кое го управувал А.Н. (24) удрило во пешак А.К.(27). Пешакот со повреди на главата и градите бил пренесен во критична состојба на Скопските клиники, каде лекарите се борат за неговиот живот.

Во друга сообраќајка на улицата „Илинденска” утрово во 2 часот повреден е Ф.А. од тетовско Камењане. На него налетало возило „цитроен” кое го управувал Ц.Б (23) од Гостивар. Повредениот пешак е згрижен во Гостиварската болница и задржан на лекување.