Скопската населба Железара ќе добие кружен тек

„Бауер БГ“ ќе биде изведувачот на новиот кружен тек, што ќе се гради на вкрстувањето на улиците 16-та Македонска Бригада, Коце Металец и сообраќајниот влез во скопската железарница. Овој кружен тек треба да биде од помош за зголемување на безбедноста во сообраќајот и разрешување на постоечките сообраќајни проблеми на улицата 16-та Македонска Бригада.

Од градскиот буџет за овој инфраструктурен објект  ќе се издвојат финансиски средства во висина од околу 730.000 евра, а изведбените активности е предвидено да завршат во рок од девет месеци.