Скопје на последно место на листата на најинвентивните градови
Главниот град на Македонија го доби незавидливото 431 место на листата на најиновативните градови во Европа и Русија. Врз основа на анализата на институтот „ To think now“ со седиште во Мелбурн Австралија, нашиот град се наоѓа на последното место.
На глобално ниво, пак, Скопје е меѓу последните, односно најнеинвентивните градови, на 430-то од вкупно 442 места, во друштво на танзаниски Дар ес Салаам, Тегусигалпа од Хондурас, Алжир, белоруски Минск, пакистански Лахор и други.
Листата се составува врз основа на 162 податочни индикатори, а е заснована на основните фактори како што се здравјето, богатството, популацијата или географијата. Од останатите балкански градови Белград е на 101 место, Љубљана на 154-то, Софија на 254-то, а Загреб на 237-то.
На првото место на светската листа е Лондон, а по него се Сан Франциско, Виена, Бостон и Сеул.