Wednesday, Mar 29, 2017
HomeФЕР ПЛЕЈТенисСкандал: Би-би-си открива „местенки“ за тениските натпревари

Скандал: Би-би-си открива „местенки“ за тениските натпревари

tennis_racket

Голем скандал во белиот спорт. Постојат доверливи документи со докази за нашироко раширените сомневања за местење на мечевите на врвните тениски турнири, вклучувајќу го и Вимблдон, тврди Би-Би-Си повикувајќи се на презентирани сознанија.

Во изминатите десет години, дури 16 тенисери од групата на 50 најдобри во светот, биле под сомневање и пријавени до специјалната единца за интегритет во тенисот (ТИУ) за тоа дека ги местеле своите натпревари. Сите 16 играчи, за кои се вели дека меѓу нив има и победници на Гранд слем турнири, можеле и понатаму да се натпреваруваат.

Во соопштението на ТИУ, која се опишува како еден вид полиција во овој спорт, дадено за Би-Би-Си се вели дека нема да има никааква толеранција за никого во тенисот, доколку се открие корупција во белиот спорт, но претседателот на АТП (асоцијацијата на професионалните тенисери) Крис Кермод признава дека „местење„ во тенисот постои, за кое вели дека сепак е „исклучително малку“.

Во тајните документи во кои се зборува за корупција во тенисот, се посочува дека во 2007 година била спроведена истрага од АТП и дека посебно бил испитуван мечот меѓу Николај Давиденко и Мартин Васало Аргуело. Двајцата тенисери подоцна биле ослободени од било какви сомневања, но истрагата дошла до дополнителни откритија за можната корупција во тенисот, по прегледот и истражувањето на делувањето на кладилниците поврзани со врвни тениски играчи.

Откриено е дека мафијашки групи од Русија, од северна Италија и од Сицилија, направиле стотици илјади фунти на опкладите на мечевите на кои истрагата била насочена, затоа што се сомневало дека можеби се наместени. Три такви натпревари биле одиграни на турнирот во Вимблдон, во Лондон. Во доверивите извештаи се вели дека 28 тенисери биле инволвирани во овие мечеви, за кои во 2008 година била правена истрага, но досега нема никакви сознанија за тоа што било откриено.

Novak-DjokovicЕвропската асоцијација за безбеден спорт која го надгледува работењето на кладилниците, тврди дека повеќе од 50 тениски мечеви во 2015 година има силни сомнежи дека се нечесно одиграни. Според ТИУ, осумина тенисери од мечевите кои се „надгледувани“ и испитувани како сомнителни, во изминатите десет години, играат на Гранд слем турнирот „Аустралија опен“ што почна вчера.

Српскиот ас, Новак Ѓоковиќ во Мелбурн ги прокоментира гласините. Според него, тенисот е чист спорт и лично не верува дека тие гласини се точни особено што се работи за поголем дел неактивни тенисери. „Се што се тврди треба да се докаже“ – смета најдобриот светски тенисер кој раскажа дека пред 6-7 години му биле нудени индиректно 200 000 долари да загуби во првото коло на турнирот во С. Петерсбург но одбил.

„За мене е тоа криминал. Јас сум одгледан и работам опкружен со луѓе кои ги ценат спортските вредности. За среќа никој директно не ме вклучил во тие работи во последните 6-7 години иако за некои луѓе тоа е шанса“ – изјави Ѓоковиќ кој го мина првото коло на АО.