Синдикалец: Припадниците на ПЕП во мизерни услови – спијат на кревети од „титово“ време

Независниот полициски синдикат испрати фотографии до новоотворениот работнички портал, Синдикалец.мк од просториите во кои се сместени припадниците на Посебната единица за поддршка при МВР. Тие се сместени во касарната Ѓорче Петров. Припадниците на ПЕП спијат на полски кревети или душеци во разурнати простории – изјави Гоце Делчев Тодев, претседател на синдикатот. Претходно, синдикатот објави дека се откриени нерегуларности поврзани со исплата и водење на реализирани работни часови на припадниците на ПЕП за лица кои доаѓаат од полициските станици од цела Република Македонија и извршуваат задачи на територија на градот Скопје, исто така сместени во касарната „Ѓорче Петров“.

На само еден ден пред прославувањето на Денот на Волците, први март, Позитив.мк објави фотографии од касарната Илинден каде се сместени припадниците на оваа единица. Волците зимата ја поминале со мало ќумбенце и разурнати ѕидови, како и необезбедени кабли по ѕидовите.