Русија со злато ќе го урива доларот

Русија со злато ќе се бори против доларот. Москва ги зголемува златните резерви и на тој начин не потклекнува на доларите и западниот финансискиот систем, пишува германското издание Die Welt. Активните дејствија на Русија и Кина на пазарот на злато ја зголемуваат довербата во металот и ја поткопуваат доминацијата на доларот.

На позадината на зголемениот скептицизам во однос на финансискиот систем на западните земји, такви активности можат да доведат до слабеење на американските финансии. Руското Министерство за финансии разви план за поддршка на рубљата при ниски цени на нафтата. Кај нестабилната економска ситуација златото се јавува со најдобра гаранција. Овој метал се цени во целиот свет и на тој начин е невозможно да се зголеми големината на паричните средства, пишува весникот.

Во однос на санкциите и падот на цените на нафтата Русија едноставно мора да се ослободи од зависноста од долари и претседателот Владимир Путин веќе ги има направено потребните чекори во оваа насока. Од 2005 година златните резерви на државата се зголеми околу 4 пати, а само за последните 12 месеци – со повеќе од 200 тони, истакнува авторот.

Поактивно од Русија купува злато само Кина. Минатата година златните резерви се зголемија за 62% и достигнаа речиси 1 600 тони. Затоа, златото станува финансиско оружје што земјите го користат за да спречат доминацијата на западните валути и да ја поткопаат моќта на Америка и Европа. Сепак, за Вашингтон таквите активности не се изненадување и тој го користи доларот, за да изврши притисок врз Русија, нагласува весникот.

Руската активност на пазарот на злато, ја крева цената на благородни метали, која се зголеми до највисокото ниво од 2012 година. Бидејќи долговите на западните земји постојано се зголемуваат и финансискиот систем, кој е доминиран од страна на САД е уште нестабилен. Многу земји сметаат дека е потребно да се обезбедат со сигурен инструмент. Во таа смисла пополнување на златните резерви од Русија и Кина е од особено стратешко значење, бидејќи независноста на монетарната политика ќе им овозможи да го оспоруваат влијанието на Вашингтон и да ја нарушат рамнотежата на моќта во светската економија, заклучува авторот на статијата.