Преку јавен повик ќе се најде генерален секретар на ДИК

Тоа што требаше многу порано да се реши меѓу политичките партии повторно се соочува со одложување, па затоа конечно се најде моделот на избор на генерален секретар на ДИК преку јавен повик без номинирање од политичарите, а одлуката ќе ја донесе самиот орган.

ДИК соопшти дека на вчерашната седница го усвоила Правилникот за утврдување на начинот и постапката за избор на генерален секретар на ова највисоко изборно тело во земјата. Во надлежност на генералниот секретар ќе биде водење на избирачкиот список со електронската база на податоци.