Tuesday, Feb 25, 2020
HomeДЕНЕШНАЕкономијаПоради ниските плати, две третини од жителите на Македонија немаат пари за одмор

Поради ниските плати, две третини од жителите на Македонија немаат пари за одмор

plaza1

Шеесет и девет отсто од граѓаните во Македонија не може да си дозволат да одат барем еднаш годишно на одмор или на некакво патување, а за 68 отсто од граѓаните прескап луксуз е одењето во кино или во театар, покажа анализата од Институтот за економски истражувања „Фајнанс тинк“.

Како што пишува „Денар“, во анализата се наведува дека за 78 отсто од населението во Македонија платата или пензијата е основен извор на пари. Другите преживуваат со помош на родителите, сопружниците, роднини од странство или од државата.

Според ова истражување, само една третина од населението успева да ги задоволи сите потреби и да заштеди дел од својот доход, 42,1 отсто успеваат да ги задоволат само потребите за храна и сметки, а 28,1 отсто не успеваат ниту тоа.

50% од населението не можат да си дозволат да јадат во ресторан барем еднаш месечно, 91% да одат на козметички третман, масажа, 78% да купат ново парче облека, обувки еднаш месечно, 76% да возат автомобил секој ден.