Почувствувани земјотреси во Скопје и Битола

Во 18:30 минути во Битола беше почувствуван силен земјотрес со јачина од 4,8 степени по Рихтер и вториот во 18:41 од 4,9 степени по Рихтеровата скала. Освен во висококатниците, земјотресот е почувствуван и во нискокатните објекти. Дел од граѓаните во паника ги напуштиле домовите, но засега нема извештаи за повредени и поголеми материјални штети. Епицентарот на земјотресот според Сеизмолошката опсерваторија бил во Вранешница.