HomeДЕНЕШНАЕкономијаОд следната сезона директен лет Израел – Охрид

Од следната сезона директен лет Израел – Охрид

Од следната година, израелски туристи организирано ќе летуваат во Македонија. Израелскиот тур-оператор „Arkia International“ планира да воспостави директна авионска врска со Охрид. Ова е потврдено на денешната средба на генералниот директор на „Arkia International“, Дуду Макхлаб, со директорот на Агенцијата за промоција и поддршка на туризмот на Република Македонија, Кристијан Џамбазовски.

Според информациите од Агенцијата за промоција и поддршка на туризмот, планирано е првично на релација Израел – Охрид да оперираат два летови седмично, почнувајќи од 1 јуни 2016 година. Инаку, во тек се преговори за закуп на сместувачки капацитети во Македонија каде би биле сместувани гостите од Израел кои организирано би летувале тука, а се очекува договорите да бидат парафирани за неколку седмици.

Израелскиот тур-оператор „Arkia International“ постои повеќе од шест децении, притоа со сопствената флота годишно превезувајќи повеќе од 1,6 милиони патници. Меѓународниот авиопревозник „Arkia“ оперира на 34 светски дестинации, соработувајќи со повеќе од 600 туристички агенции лоцирани во најголемите метрополи ширум светот. Од европските дестинации, „Arkia“ лета за Италија, Ирска, Англија, Бугарија, , Германија, Данска, Холандија, Турција, Унгарија, Грција, Словенија, Шпанија, Чешка, Франција, Кипар, Хрватска, Романија, Шведска, Швајцарија, , Русија, Полска, Украина, Норвешка, Финска.

Social Media Auto Publish Powered By : XYZScripts.com