Saturday, May 11, 2024
HomeДЕНЕШНАСветНа 101 година почина милијардерот Дејвид Рокфелер

На 101 година почина милијардерот Дејвид Рокфелер

Во својот дом во Њујорк, во 101. година од животот, денеска почина милијардерот Дејвид Рокфелер. Неговот портпарол Фрејзер Сајтел наведе дека Рокфелер починал утрово во сон. Тој беше американски банкар и еден од најбогатите луѓе во светот, и според податоците на „Форбс“ неговиот имот се проценува на околу две милијарди долари.

Рокфелер е роден во Њујорк и во текот на неговиот живот успеал да остави впечаток на достоен наследник на една од најмоќните капиталистички династии во историјата. Пред две години ја имаше шестата операција за пресадување на срце.

 

Меѓу многубројните филантропски активности, Рокфелер го основа и центарот „Дејвид Рокфелер Центар фор Латин Американ Стадис“, што работи во рамките на Универзитетот „Харвард“.

Тој беше последен од својата генерација во едно од најпознатите филантропски семејства во светот.