Saturday, Mar 28, 2020
HomeДЕНЕШНАПолитикаМФ: Обвинувањата за еврообврзницата се само обид за дневнополитички маркетинг

МФ: Обвинувањата за еврообврзницата се само обид за дневнополитички маркетинг

min-za-finansiii

Настојувањето во јавноста да се фрли сомнеж на законитоста на издавањето на еврообврзницата со извртување на вистината е само недостоинствен обид на СДСМ за дневно­политички маркетинг, реагира Министерството за финансии (МФ) по денешното соопштение на опозициската партија.

„Министерството за финансии повеќе пати истакна дека правното мислење е усогласено и со светски реномираните банки преку кои е издадена обврзницата и со Министерството за правда, како и дека процедурата за издавање на еврообврзницата соодветствува со сите претходно издадени еврообврзници.

СДСМ треба да има кадри кои ја знаат постапката, со оглед на тоа дека во време на нивно владеење беше издадена првата еврообврзница“, соопшти МФ и додаде дека министерството е целосно посветено на почитување на принципите на законското и транспарентното работење во интерес на граѓаните на Република Македонија.