Крај за увозот на стари возила кои загадуваат
Денес завршува можноста за увоз на постар автомобил кој не го исполнува најмалку Евро 4 стандардот за емисија на штетни гасови. Тоа значи дека ќе може да се купуваат автомобили со старост од околу најмногу 10 години.
Претходно социјалната и економската мерка на Владата за увоз на постари автомобили го исполни очекуваното и откако се обнови возниот парк на населението сега повеќе ќе се мисли и на екологијата. Инаку оправдувањето беше дека тие што возат фичовци, југовци и стокецови подобро да купат постаро возило бидејќи и онака многу загадуваат со престарите автомобили, а не се ниту доволно безбедни.