Кинези нови сопственици на најголемото пристаниште во Грција

Атина се согласи да потпише договор за продажба на своето најголемо пристаниште Пиреја на кинеската компанија „Коско груп“, за износ од 368,5 милиони евра. Претседателот на Одборот на директори на кинеската компанија „Коско груп“, Кју Лиронг и грчкиот премиер Алексис Ципрас, заедно со директорот на Агенцијата за приватизација Стергиос Пициорлас, во Атина го потпишаа договорот за продажбата на најголемото грчко пристаниште. Според договорот, „Коско“ ќе добие удел од 51 отсто во пристаништето Пиреја, за 280,5 милиони евра.

Планот е во наредните пет години Кинезите да откупат уште 16 отсто за околу 88 милиони евра, откако ќе ги направат задолжителните инвестиции. „Коско груп“ во пристаништето ќе инвестира над 350 милиони евра во наредните пет години и ќе и’ плаќа годишни давачки на Грција за водење на пристаништето.