Итен состанок на ДУИ во Мала Речица за деблокирање на Собранието

Лидерот на ДУИ Али Ахмети во обид да се најде излез од блокадата во Собранието денеска свикал итен седница на Централното претседателство. Сепак, како што соопшти шефот на кабинетот на Ахмети, пратеникот Артан Груби, претседателското ќе расправа и за однесувањето на Движењето БЕСА.

Груби вели дека на дневен ред е однесувањето на неформалната опозициска коалиција меѓу ВМРО-ДПМНЕ и БЕСА. Тој изјави дека Беса ги повлекла потписите кои му ги достави на СДСМ за барање мандат, откако одлучиле да не го поддржат предлогот на СДСМ и ДУИ претседател на Собранието да биде Талат Џафери.