Илегални мигранти од Иран откриени кај Неготино

12 нелегални мигранти од Иран се откриени на вчера околу 13 часот на автопатот на клучката кај Неготино. Полицијата го сопрела возилото „Фолксваген Шаран“ со скопски регистарски таблички вчера околу 13 часот и ги открила нелегалните патници, додека возачот се дал во бегство.

Како што соопшти МВР, мигрантите се пренесени во полициската станица Неготино и ќе бидат сместени во Прифатниот центар за странци, а по возачот на возилото се трага откако тој и покрај предупредувањето на полицијата, избегал. Се преземаат мерки за целосно расчистување на случајот.