Tuesday, Nov 21, 2017
HomeДЕНЕШНАРегионХрватска: Карамарко поднесе оставка од претседателството на ХДЗ

Хрватска: Карамарко поднесе оставка од претседателството на ХДЗ

karamarko_640383S1

Томислав Карамарко, претседател на Хрватска демократска заедница (ХДЗ), денеска поднесе оставка од функцијата претседател на партијата.

Оставката на Карамарко на лидерската позиција уследи откако тој претходно се повлече и од местото прв потпреседател на хрватската влада бидејќи не успеа да обезбеди ново парламентарно мнозинство, откако ХДЗ заедно со опозицијата ја урна коалициската влада на Тихомир Орешковиќ.

– Поднесувам оставка на местото претседател на ХДЗ. ИЍветив на партијата дека ќе успеам да обезбедам парламентарно мнозинство и не успеав во тоа. Затоа преземам одговорност. Сметам дека ова ќе ѝ даде нов политички импулс на партијата – изјави Карамарко на прес-конференција во Загреб.

Тој им се заблагодари на сите членови на партијата, како и на сите кои му дале поддршка.

– Беше убаво да се биде претседател на ХДЗ, ние во овие четири години добивме достоинство и сè уште сме најсилна партија – додаде Карамарко.

Извор: МИА