Гардијан го протолкува Груевски за промена на името

Еден од најугледните британски медиуми Гардијан го протолкува премиерот Никола Груевски дека Македонија е подговотвена да го промени името за да го реши деценискиот спор со Грција, а изјавата која ја пренесува е: Ние сме подготвени да дискутираме, да го отвориме дијалогот со нив и да најдеме некое решение.

Гардијан исто така пренесува кратка историја на спорот со Грција и проценува дека Македонија за прв пат е подготвена за компроми продолжувајќи со ја изјавата на Груевски дека секое постигнато решение ќе биде ставено на референдум за одобрување. Гардијан ја нагласува и претстојната посета на првиот дипломат Никола Поповски кој ќе му биде гостин на грчкиот колега Коѕијас во Атина како добра можност за доближување на двете страни во спорот.

Ваквото толкување не е случајно, можеби навистина се подготвува терен за пронаоѓање на решение кое ќе биде прифатливо за двете страни, но пред самите парламентарни избори во април нема големи шанси Никола Груевски да прифати „промена на името“.

Извор: theguardian.com