Галерија: Обама ќе ја замени Белата куќа со раскошна вила

Барак Обама ја троши последната година од вториот мандат и во јануари следната година ќе мора да ја напушти Белата куќа.

Претседателот на САД ќе добие фантастична замена во Калорама, луксузен кварт на Вашингтон каде живеат пред се личности од високата политика, дипломати и бизнисмени, со терен кој е строго контролиран и надвор од дофат со присуството на агентите на Тајната служба.

Вилата е изградена во 1928-ма, располага со девет спални соби, додатни соби со содржини за прием на гости, разонода и 8 бањи, а е во сопственост на Џо Локхарт, кој служеше како прес секретар за претседателот Клинтон.

Обама како и досегашните претседатели ќе корсти повеќе привилегии и заштита, па ќе може да ужива во политичката пензија со неговото семејство, маркантната прва дама Мишел и двете ќерки Саша и Малија.

Барак Обама потекнува од Чикаго каде ја започна и политичката кариера, па се уште нема откриено дали ќе целосно ќе се врати во родното место или пак ќе продолжи да живее трајно во Вашингтон каде неговите ќерки се образуваат.